Eid vidaregåande skule har ca. 330 elevar fordelt på fem utdanningsprogram, og ca. 70 tilsette og er ein framtidsretta skule som ligg idyllisk til midt i Nordfjord-regionen, omkransa av vakker natur. Skulen tilbyr eit variert spekter av utdanningstilbod:- Studiespesialiserande- Påbygg til generell studiekompetanse- Helsefag med studiekompetanse- Elektro og datateknologi- Teknologi og industrifag- Frisør, blomster, interiør og eksponeringsdesign- Nettbasert tilbod - påbygg til generell studeikompetanse for vaksneHar du utdanning og erfaring frå arbeid innan elektro-/automasjonsfaget? Har lyst til å arbeide i eit spanande og utviklingsorientert arbeidsmiljø? No er det ledig 100 % fast stilling som faglærar innan elektro-/automasjonsfaget. Søkjer du?

‍

Arbeidsoppgåver

Undervising og oppfølging av elevar.

• 100% fast stilling med undervisning i programområde Elektro og datateknologi.
  
  
• Stillinga vil i hovudsak innebere undervisning på Vg2 og Vg3-nivå innan automatiseringsfaget, og vg1 og vg2 innan elenergi og ekom.

Du samarbeider med kollegaer og leiing i skulekvardagen, og med opplæringskontor og næringsliv om formidling av læreplass til elevane.

Du held deg orientert om utviklinga i bransjen og i fag- og yrkesopplæringa.

Kvalifikasjonar

Forskrift til opplæringslova § 12-8 skildrar krav for å bli tilsett i lærarstilling i programfag på yrkesfaglege utdanningsprogram i den vidaregåande opplæringa. Fylkeskommunen skal sørgje for at dei som skal tilsettast oppfyller eitt av desse krava:

a) Du har yrkesfaglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

b) Du har universitets- eller høgskoleutdanning som samla utgjer minst 180 studiepoeng, inklusive pedagogisk utdanning etter § 12-1. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

c) Du har faglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

d) Du har fag- eller sveinebrev eller bestått anna yrkesfagleg vidaregåande opplæring. I tillegg må du ha to års yrkesteoretisk utdanning utover vidaregåande skolenivå og fire års yrkespraksis etter fullført vidaregåande opplæring. Slik bakgrunn kvalifiserer for tilsetting i fag som utdanninga eller bakgrunnen er relevant for. Det krevst også pedagogisk utdanning i samsvar med § 12-1.

e) Du har lærarutdanning med spesialpedagogisk utdanning tilsvarande minst 60 studiepoeng. Du som har slik utdanning, kan tilsettast for å gi individuelt tilrettelagd opplæring eller dersom det er ønskjeleg ut frå behova til elevane.

Dei som ved opptak til praktisk-pedagogisk utdanning for yrkesfag har fått godkjent kravet om to års relevant yrkesteoretisk utdanning på grunnlag av realkompetanse, oppfyller kravet om to års yrkesteoretisk utdanning utover vidaregåande skolenivå i første ledd bokstav d.

Dersom du manglar delar av utdanningskravet blir start- og sluttidspunkt av utdanninga avtalt med leiar.

Det er ynskjeleg med:
- Undervisningserfaring.
- Erfaring i bruk av IKT og varierte digitale undervisningsmetodar.
- God skriftleg og munnleg framstillingsevne.

Personlege eigenskapar

• Du er inkluderande og oppteken av verdien av mangfald.
• Du er engasjert og positiv, og legg til rett for variert undervisning.
• Du tek initiativ til samarbeid og er ein aktiv deltakar i skulekvardagen, men er òg sjølvstendig i eige arbeid.
• Du trivst i eit hektisk arbeidsfellesskap med elevar, miljøarbeidarar, lærarar og andre hjelpeinstansar i laget rundt eleven.
  

Det vert lagt stor vekt på personlege eigenskapar ved tilsetting.

Du som skal tilsettast i vidaregåande skule må leggje fram godkjent politiattest.

Vi tilbyr

• Eit aktivt og stimulerande fagmiljø.
• Gode høve til eiga læring og utvikling.
• Løn og lønsutvikling i tråd med tariffavtalen og Vestland fylkeskommune sin lønspolitikk.
  
• Gode forsikrings- og pensjonsordningar.
  ‍
  

Kontaktinformasjon

Cecilie Bjørlo

avdelingsleiar

Telefon:90662156

Alf Reidar Myrstad

rektor                        

Telefon:90962632
‍
‍
Søknadsfrist: 15.05.2025

‍
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

‍